محبت جتنی تم سے ہے

محبت جتنی تم سے ہے

اگر میں خود سے کرتا تو

میں خود کو توڑ تو دیتا 

کبھی تنہا نہیں ہوتا.......

بارشیں سردیوں کی

سردیوں کی بانہوں میں 

بارشیں اترتی ہیں

تنہائیوں  کے سب احساس 

اک شدّت سے ابھرتے ہیں 

نہ جانے کیوں بہت سے درد 

پھر سے تازہ ہوتے ہیں 

ماضی کے کئی چہرے 

آنکھوں میں اترتے ہیں 

تو آنکھیں بھیگ جاتی ہیں ......

رشوتیں

رشوتیں 

سفارشیں 

بکتے ہوے ضمیر 

حق مارتےخاص  لوگ 

رسوائیاں 

محرومیاں 

بانٹتے

جب 

زندگی کی دوڑ میں  

آگے نکلتے جاتے ہیں 

تو

قسمت ان عام سے 

لوگوں پر مسکراتی ہے 

اور اپنا دامن 

خواص کی جھولی میں 

ڈال دیتی ہے 

اپنی منہ مانگی قیمت 

وصول کر کے....

اور یہ عام لوگ 

اپنی قسمت مفت میں 

ڈھونڈتے زندگی سے گزر جاتے ہیں 

بہت  سی

تسلیاں 

دلاسے 

لے کر......